અવધ એક્સપ્રેસ | વડોદરા
શારીરિક પડકારોનો સામનો કરીને અને પ્રતિકૂળતાને તાકાતમાં ફેરવીને, વડોદરાની કિક બોક્સર દિંકલ ગોરખાએ ૧૩ થી ૧૮ ઓક્ટોબર દરમિયાન તાશ્કંદમાં યોજાયેલ ઉઝબેકિસ્તાન કિક બોક્સિંગ વર્લ્ડ કપ ૨૦૨૬માં ત્રણ મેડલ જીતીને ભારતનું નામ રોશન કર્યું છે. ૪૫ દેશોના ૨૫૦૦થી વધુ ખેલાડીઓ સામે દિંકલે પોઈન્ટ ફાઈટ (-૬૦ કિગ્રા) અને લાઈટ કોન્ટેક્ટ (-૬૦ કિગ્રા)માં બે સિલ્વર મેડલ, તેમજ પોઈન્ટ ફાઈટ (-૬૫ કિગ્રા) માં એક બ્રોન્ઝ મેડલ જીત્યો છે.
તેઓની આ આંતરરાષ્ટ્રીય સફળતા પાછળ હિંમત અને દ્રઢનિશ્ચયની એક અદ્ભુત ગાથા રહેલી છે. માત્ર ત્રણ વર્ષની વયે, એક બસ અકસ્માતમાં દિંકલના ડાબા પગમાં ગંભીર ઈજા થઈ હતી. જો કે, શારીરિક પડકારને પોતાના ભવિષ્યને આકાર આપવા દીધા વગર, તેણે બોક્સિંગ લેજન્ડ એમસી મેરી કોમ પાસેથી પ્રેરણા લઈને પોતાની રમતગમતની સફર ચાલુ રાખી હતી. આજે તેના ખંત અને સમર્પણ ભાવનાએ તેને ઉભરતી આંતરરાષ્ટ્રીય સ્તરની એથ્લેટ તરીકે આગળ લાવવામાં મદદ કરી છે.
ગુજરાત કિક બોક્સિંગ એસોસિએશનના ખેલાડી દિંકલ, કોચ સિદ્ધાર્થ ભાલેઘરેના માર્ગદર્શન હેઠળ તાલીમ મેળવે છે જેઓની ટેકનિકલ સલાહ અને માર્ગદર્શને દિંકલની આ સફરમાં બખુબી સાથ આપ્યો છે. તેમના આ ત્રણ મેડલની સિદ્ધિ સ્થિતિસ્થાપકતાનું એક શક્તિશાળી ઉદાહરણ છે, જે યુવા એથ્લેટ્સને અડગ મનોબળ સાથે અવરોધો પાર કરવા અને પોતાના લક્ષ્યો હાંસલ કરવા પ્રેરણા આપે છે.
